Posted on January 1, 2011, 7:04 pm
ម៉ោង១១យប់យុវជនម្នាក់ឈរនៅកន្លែងស្ងាត់ចាំហៅឡានតាក់ស៊ីត្រលប់ទៅទីក្រុងវិញ។
គេឈរចាំរហូតដល់ម៉ោង១២យប់ទើបឃើញរថយន្តតូចមួយគ្រឿងបរកាត់ ក៏បក់ដៃសុំដោយសារ។
ដោយហេតុអស់កំលាំងពេក យុវជនយើងអង្គុយកក្នុងរថយន្តមួយសន្ទុះហើយក៏លង់លក់ក្បែរអ្នកបើក។
ពេលនោះស្រាប់តែមានភ្លៀងមួយមេធំបង្អុរចុះ រួចមានរន្ទះបាញ់ផង!។
ស្នូររន្ទះធ្វើអោយយុវជនយើងភ្ញាក់ស្ទុះងើបអង្គុយត្រង់ខ្លួន តែជាមួយគ្នានោះដែរគេភយ័ស្ទើរលស់ព្រលឹង ដោយមិនឃើញអ្នកបើកបរនៅត្រង់ដៃចង្កូត តែរថយន្តនោះនៅតែទៅមុខគើមៗយ៉ាងស្ងៀមស្ងាត់។
ភ័យពេកយុវជនយើងស្រែកស្លន់ស្លោម្នាក់ឯង
ស្រាប់តែលឺសំលេងមួយនៅខាងក្រោយ
ចុះជួយរុញអោយឆាប់ឡើង !
Read MorePosted on January 1, 2011, 7:01 pm
ភ្លើងឆាបឆេះពីវាលស្មៅស្ងួតមួយកំពុងរាលដាលសំដៅកសិដ្ឋាន ។
ការិយាល័យពន្លត់អគ្គីភ័យ បានទទួល ព័ត៌មានភ្លាមប្រញាប់ប្រញាល់បញ្ជូនកម្លាំង ចុះកន្លែងកើតហេតុ ប៉ុន្តែទម្រាំឡានទឹកមកដល់គោលដៅនោះ ភ្លើងឆេះពេញបន្ទុកត្រួតត្រាលែងបានទៅហើយ, ហេតុនេះគេហៅអ្នកពន្លត់អគ្គីភ័យស្ម័គ្រចិត្តនៅតំបន់ ជាប់គ្នាចូលមកជួយទៀត។
ក្រុមអ្នកស្ម័គ្រចិត្តបើករថយន្តកញ្ចាស់សំរុកចូលយ៉ាងក្លាហាន ។
រថយន្តបោះពួយដល់ចំណុចកណ្តាលភ្លើង ទើបឈប់ រួចពួកគេលោតចុះពីរថយន្តទាញទុយោទឹកបាញ់ព្រួសជុំទិស ។
មិនយូរប៉ុន្មានពួកគេត្រួតត្រា ភ្លើងបាន, មិនឱ្យរាលដាលទៅមុខទៀត ។
ម្ចាស់កសិដ្ឋានកោតសេចក្តីក្លាហានរបស់ក្រុមពន្លត់អគ្គីភ័យស្ម័គ្រចិត្ត គាត់ជូន១.០០០ដុល្លារជារង្វាន់។
ពេលនោះអ្នកកាសែតតំបន់ម្នាក់ចូលសម្ភាសន៍ប្រធានក្រុមអ្នកពន្លត់អគ្គីភ័យស្ម័គ្រចិត្ត ៖
-លុយ១.០០០ដុល្លារនេះ លោកប្រុងយកទៅធ្វើអីដែរ?
លោកប្រធានក្រុមចង្អុលទៅរថយន្ត ៖
-កិច្ចការដំបូងបំផុត គឺប្រើប្រាស់ទឹកប្រាក់នេះធ្វើហ្វ្រាំងរថយន្តឡើងវិញ ។
អម្បាញ់មិញហ្វ្រាំងមិនស៊ី សោះ, វាបោះពួយទាល់តែដល់កណ្តាលសមុទ្រភ្លើងទើបអាចឈប់បាន ធ្វើឱ្យពួកខ្ញុំវិះស្លាប់ទាំងអស់គ្នា លោកមិនឃើញទេឬ?
Read MorePosted on January 1, 2011, 6:57 pm
មានស្ទាវម្នាក់ត្រូវបានគេកាប់ជាច្រើនកាំបិតដេកដីងើបលេងរួច នៅកន្លែងស្ងាត់គ្នាមនុស្សម្នាណា នៅក្បែរនោះឡើយ មួយសន្ទុះក្រោយមកស្រាប់តែឃើញ បុរសម្នាក់ដើរកាត់ទីនោះ
ស្ទាវយើងក៏ស្រែកអោយគាត់ជួយ
ជួយផង! ជួយផងលោក
បុរសនោះឃើញដូច្នេះក៏រត់ទៅសួរ ប្អូនត្រូវគេកាប់មែនទេ ?
តាមរបួសខ្ញុំ តើខ្ញុំសង្ឃឹមរស់ដែររឺទេ?
មិនអីទេចាំខ្ញុំជួយប្អូន
បុរសនោះក៏ក្រៀស្ទាវយើងយកទៅ
ហ្អាក់! លោក ម្តេចបានជាយកខ្ញុំមកផ្ទះគ្រូទាយទៅវិញ?
ឡូវខ្ញុំនាំប្អូនមករកគ្រូទាយ ទាយពីជោគវាសនាប្អូន តើសង្ឃឹមរស់រឺអត់ រួចហើយចាំនាំប្អូនទៅរកពេទ្យ
Posted on January 1, 2011, 6:53 pm
មានសេដ្ឋីស្រុកស្រែម្នាក់គាត់មានកូនស្រីតែម្នាក់គត់ ដែលកំពុងពេញក្រមុំដល់ពេលរៀបការ គាត់បានបិតប្រកាសរើសកូនប្រសា ដល់ថ្ងៃជ្រើសរើសមានកំលោះៗជាច្រើន មកពីគ្រប់ទិសទី ចាំប្រលងធ្វើជាកូនប្រសារបស់គាត់ ។
ពេលដល់ម៉ោងប្រលងគាត់បាននាំកំលោះទាំងអស់ទៅ ស្ទឹងមួយនៅជិតនោះ ដែលស្ទឹងនេះគ្មាននរណាហ៊ានឆ្លងកាត់ទេ ព្រោះស្ទឹងនេះមានក្រពើរាប់ រយក្បាលក្នុងស្ទឹងនោះ គាត់ក៏បានប្រកាសពីវិញ្ញាសារប្រលង
បើនរណាហ៊ានហែលឆ្លងកាត់ស្ទឹងនេះដល់ត្រើយម្ខាង ខ្ញុំនឹងលើកកូនក្រមុំដ៏ស្រស់ស្អាត របស់ខ្ញុំអោយអ្នកនោះភ្លាម ។
ស្រាប់តែមួយសន្ទុះមានកំលោះម្នាក់ដើរឆ្លងកាត់ទីនោះ ដោយចៃដន្យ គាត់ឃើញមនុស្សរោមអ៊ូៗ ក៏ដើរទៅមើល គាត់ខំប្រជ្រៀតគេឯងចូលទៅ
គាត់ធ្លាក់ទឹកឃើញក្រពើរាប់រយក្បាល កំពុងសំដៅមករកគាត់ ក៏ខំហែល រហូតដល់ត្រើយម្ខាង ពេលដល់ត្រើយម្ខាង អ្នករាល់គ្នាទះដៃអបអរសាទរ
លោកដឹងទេ លោកបានប្រពន្ធជាកូនសេដ្ឋីដ៏ស្រស់ស្អាតហើយណា
Posted on January 1, 2011, 6:46 pm
មានចោរបាតភូមិម្នាក់ពូកែខាងលួច ប៉ះស្អីលួចនិង មិនចេះខ្លាចនរណាឡើយ។
យប់មួយពូម្ចាស់ទូកគាត់ចុះងូតទឹកបឹង ចោរឃើញទូកគ្មានម្ចាស់នៅ ក៏ស្មានថាម្ចាស់ទូកទៅមើលការរាំធុងបាសនៅឯចុងភូមិ ក៏ដើរចូលលបៗមើលសភាពការណ៏ឃើញសភាពការណ៏ស្ងាត់ល្អ ចោរបាត ភូមិក៏ឡើងលើទូបំរុងនឹងដោះយកម៉ាស៊ីនទូកចៃដន្យអី ពូម្ចាស់ទូកងើបពីទឹកឃើញដូច្នេះក៏សួរ ឱឯងធ្វើអី?
និយាយមិនទាន់រួចផង ចោរបាតភូមិក៏សន្លប់បាត់ទៅ ដោយមិនដឹងពីមូលហេតុ?
ឃើញដូច្នេះ ពូម្ចាស់ទូក ក៏អូសចោរយកទៅប៉ុស្ត៍ភូមិចាំដឹងខ្លួនសួរចំលើយ
ស្អែកឡើង ពេលដឹងខ្លួនមេប៉ុស្ត៍ក៏សួរ