ទទួលទាន​ក្រូចថ្លុង​ច្រើនពេក ប្រឈម​នឹង​មហារីក​សុដន់​

Posted on October 2, 2010, 1:40 pm

---

ទទួលទាន​ក្រូចថ្លុង​ច្រើនពេក ប្រឈម​នឹង​មហារីក​សុដន់​

ស្ដ្រី ​ក្នុង​វ័យ​អស់​រដូវ ត្រូវ​ប្រយ័ត្ន​ក្នុងការ​ទទួលទាន​ក្រូចថ្លុង ព្រោះថា ផ្លែឈើ​ប្រភេទ​នេះ នឹង​បង្កើត​ការ​ប្រឈម​ទៅ​នឹង​មហារីក​សុដន់ ។​

​​តាម​ការសិក្សា និង​តាមដាន​ស្ត្រី​វ័យ​អស់​រដូវ ៥០.០០០ នាក់ រយៈពេល ១០ ឆ្នាំ ឃើញថា អ្នក​ដែល​ទទួលទាន​ក្រូចថ្លុង ១/៤ ផ្លែ ក្នុង​មួយ​ថ្ងៃ​នឹង​ប្រឈម​ទៅ​នឹង​ការ​កើត​ជំងឺមហារីក​សុដន់ ច្រើន​ជាង​ស្ត្រី​ដែល​មិន​ទទួល​ទាន​ដល់​ទៅ ៣០ % ហើយ​ការ​ប្រឈម​នេះ នឹង​កើនឡើង​ចំពោះ​ស្ត្រី​ដែល​ធាត់ ឬ​មាន​ប្រវត្តិ​គ្រួសារ​ធ្លាប់​កើត​ជំងឺមហារីក​សុដន់ ។

ក្រូចថ្លុង នឹង​ផ្ដល់​ផលប៉ះពាល់​ដោយ​ផ្ទាល់ ចំពោះ​ប្រព័ន្ធ​ដុត​បំផ្លាញ​ក្នុង​រាងកាយ មាន​ប្រតិកម្ម​ទៅ​នឹង​ថ្នាំ​ប្រភេទ​ខ្លះ ដោយ​ទៅ​រំខាន​ការ​ធ្វើការ​របស់​ប្រព័ន្ធ​ហូរ​នាំ​ឈាម នៅពេល​ទទួលទាន​ក្រូចថ្លុង ជាមួយ​ថ្នាំ​ប្រភេទ​នោះ ។

ក្រៅពីនេះ វា​នៅ​បន្ថែម​កម្រិត​អ័រម៉ូន​អេ​ស្ត្រូ​ចេន (Estrogen) ដែល​ជា​អ័រម៉ូន​ផ្ដល់​ផល​ប៉ះពាល់ ដល់​ការ​កើត​ជំងឺមហារីក​សុដន់ ដោយផ្ទាល់​ទៀតផង ។​

​ទោះបីជា​ការសិក្សា​នេះ ស្ថិត​ក្នុង​ដំណាក់កាល​ចាប់ផ្ដើម​ក៏ដោយ អ្នក​គួរតែ​ចៀសវាង​ទទួលទាន​ក្រូចថ្លុង​ច្រើនពេក ៕​