Posted on December 2, 2010, 12:06 am
ជាងកាត់ដេរ ពីរអ្នកប្តីប្រពន្ធ ខំដេរខោអាវ ភ្លេចបាយ ភ្លេចទឹក ។
កំពុងហូបបាយ ស្រាប់តែមាន មនុស្សគម ម្នាក់ មកឈរទះស្គរ សុំលុយមុខផ្ទះ ជាងដេរ កំណាញ់ ខឹងផង ក៏ដេញអា គម នោះអោយចេញ តែវាមិនចេញ ខឹងពេក ក៏ស្ទុះទៅធាក់ ២ ទៅ ៣ ជើង ស្រាប់តែ អាគម ដាច់ខ្យល់ ប៉ិត ស្លាប់ ។
ពីរអ្នកប្តីប្រពន្ធ ភ័យ ជាខ្លាំង លុះព្រលប់ ក៏សែងខ្មោច អា គម ទៅផ្អែកនឹងតូម លក់ឥវ៉ាន់ អ្នកផ្សារ ។
យប់បន្តិច អ្នកផ្សារនោះមកលប មើលតូប ព្រោះខ្លាចចោរ លួចគាស់តូប ។
ស្រាប់តែឃើញ អា គម ស្មានថាចោរ ក៏ សំពង ២ ទៅ ៣ ដងរែក ដល់ស្ទាប់ ច្រមុះ បាត់ដង្ហើម ក៏ភ័យជាខ្លាំង ស្មានថា ខ្លួន ជាឃាតករ ។
ក៏នឹករក ទំលាក់កំហុស ឱ្យអ្នក ដ៏ទៃ ។ គាត់ អៀវ អាគម ទៅផ្ទះពេទ្យ ដាក់ អា គម អោយដេក លើកាំជណ្តើរ រួចស្រែក ហៅ ពេទ្យ ឱ្យជួយ ថាប្អូនខ្លួន ឈឺធ្ងន់ ខ្លាំង ណាស់ ។
ពេទ្យកាន់ចង្កៀង គម ចុះតាំងៗ មកក៏ជាន់ ចំក អា គម រមៀលទាំងអស់គ្នា បួន ដប់ ត្រឡប់ ។
ម្ចាស់ តូប ចោទពេទ្យថា បានសំឡាប់ ប្អូន ខ្លួន ដែលកំពុង ឈឺធ្ងន់ ពេទ្យភ័យ ស្លន់ស្លោរសុំទោស ព្រោះខ្លួន គ្មានចេតនា ទេ ។
អ្នកលក់ ឥវ៉ាន់ថាៈ បើអញ្ចឹង ជួយ ធ្វើបុណ្យ ប្អូន ខ្ញុំនេះផងចុះ ។ ពេទ្យក៏យល់ព្រម ។ លុះទៀនភ្លឺ ពេទ្យលួច អៀវ អា គម ចូលរោង ចុងភៅស្តេច ហើយ ក៏ទំលាក់ ក្បែរ ខ្ទះម្ហូប រួចគេចទៅផ្ទះបាត់ ។
លុះតាចុងភៅ ក្រោកចំអិន អាហារ ថ្វាយ ព្រះរាជា ក៏ស្មានថា ខ្មោច អា គម ជាចោរ លបស៊ីក្រយារស្ងោយ ស្តេច ក៏ស្ទុះចាប់ ដំបង សំពង អា គម ២ ទៅ ៣ ដំបង ស្រាប់ តែឃើញ ស្លាប់ គេផ្អើល ឆោឡោ ចាប់ តាចុងភៅថ្វាយ ស្តេច ។
ស្តេច ក៏កាត់ទោល កាត់ក តាចុងភៅ ។ តែត្រូវដាក់ ខ្នោះ ចង ហើយប្រកាស់ ពេញ រាជធានី ។
ពេលនោះ ពេទ្យ ឮ ដំណឹងនេះ ក៏មាន វិប្បដិសារីយ៍ ជាខ្លាំង ក៏ចេញមក សារភាព ថាខ្លួន បាន សំលាប់ អា គម នោះ ។ គេក៏ដាក់ខ្នោះគាត់ថែមទៀត ។
ដំណឹងនេះដឹងដល់អ្នកលក់ ឥវ៉ាន់ ក៏ស្តាយក្រោយ ហើយចេញ សារភាព គេក៏ដាក់ខ្នោះគាត់ ថែមទៀត ។
ដំណឹងនេះក៏លេចឮដល់ ជាងកាត់ដេរ គាត់ក៏គិតថាមិនគួរ អោយអ្នកដ៏ទៃ ស្លាប់ ដោយសាខ្លួន អញ្ចឹងសោះ ។ ក៏ចេញ សារភាព ទោស កំហុស ។
ព្រះរាជា ហួស ហឬទ័យ ជាខ្លាំង ព្រោះមិនគួរតែមួយ រាត្រីសោះ មានរឿង ច្រើនដល់ម្ល៉េះ តែទ្រង សំរេច លើកទោសជាងកាត់ដេរ មកត្រឹម ជាប់គុក មួយជីវិត ។