Posted on January 1, 2011, 6:42 pm
មានពាក្យបុរាណមួយនិយាយថា (ឆ្កែស៊ីសាច់ក៏ អាចស៊ីលាមកបានដែរ រីឯ កូនប្រុស បើចេះងើបក៏គួរតែចេះអោនផងដែរ) ។
ដូច្នេះ បើបំណង ប្រាថ្នាលើស្រីណាហើយ គួរតែចេះធ្វើអ្វីៗសព្វ បែបយ៉ាង ដើម្បីបំពេញចិត្តគេឱបាន ។
ការធ្វើបែបនេះ ជាទូទៅរមែងទទួលបានផលល្អ ព្រោះថា តាមធម្មតា ស្រីៗ មិនដែរ ចូចចិត្តប្រុសមុខក្រាស់ឡើយ តែដល់ជេរមិនឈឺ នៅតែញញឹមដាក់ទៅវិញ គេបែរជាទន់ចិត្តអាណិត ហើយិគិតថា បុរសនេះពិតជាស្រឡាញ់ខ្លួនយ៉ាងពិតៗ ។
ស្រីតែងប្រកាន់ខ្ជាប់នូវទំនៀមទំលាប់ប្រពៃណី ជាពិសេស ចរិតខ្មាស់អៀនច្រើនជាងបុរស ។
នៅខណៈពេលដែលជួបបុរសប្រព្រឹត្តផ្តេសផ្តាស ប៉ះដៃប៉ះជើង ហ៊ានលូកមុខលូកក្រោយ មិនក្រែងរអែង ញាតិមិត្តជុំវិញ នាងពិតជាធុញថប់ណាស់ ព្រោះខ្មាសគេ អៀនខ្លួនឡើងរឹងស្តូក ហើយក៏ចាប់ផ្តើម ខឹងសម្បារ ខ្លាំង ដោយគិតថាបុរសប្រមាថមាក់ងាយនាង ។
រំពេចនោះភ្លើងកំហឹងពុះពារ នាងលែងគិតអ្វីទៀត ផ្តើមបញ្ចោញ ពាក្យគំរោះគំរើយ ទ្រគោះបោះបោក រូចហើយ ជេរប្រទេចធ្ងន់់ៗ មិនព្រមលែង ។
ប៉ុន្តែ ដល់មកជួប បុរសគល់ឈើ ជេរ ទៅញញឹមមក យូរៗទៅ ភ្លើង កំហឹងនេះ ហាក់ត្រូវបានរលត់ដោយ ឯកឯង និង ជំនួសមកវិញដោយ ការហួសចិត្ត គ្មានវាចានិងថ្លែង ដោយសារបុរស មិនខ្ចីឈឺ មិនតវ៉ា តែតាមនាងយ៉ាងស្អិតដូច តុកកែ ហើយ អង្វរលន់តួរសុំសេចក្តី ស្នេហ៍ មិនព្រមលែង មិនព្រមអៀនខ្មាស់ទៀត ។
កាយវិការក៏ផ្តូរផ្តាច់បែបនេះ ម្តងបន្តិចៗ ដែក ដែលធ្លាប់តែរឹង ក៏ប្រែជាទន់ ភាពឆ្មើងកន្ទ្រើង និង ការក្តៅក្រហាយក៏ក្លាយ ជាសេចក្តី អាណិត ហើយ ភាពរារែកក្លាយទៅជាទុកចិត្ត ស្ម័គ្ររួមចិត្តលែងនៅបង្អក់ ។